☘🌷إيه رأيك !!🌷☘
إيه رأيك لو نبقى أصحاب ؟
نبعد عن دنيا الأحباب
بين شد وجذب
ودموع وعويل
وسهر وعتاب
لا هقول في الليل
سهران مع مين ؟
ولا أرن الفون
مشغولي بمين ؟
هلاقيلى حدود
ماهو ده الموجود
من غير تبرير
من غير تجميل
🌿⚘ف.إيه رأيك لو نبقى صحاب ؟⚘🌿
ولا حد يبوح
ولا حب يروح
مبقاش مسموح
للعين بالنوح
والفكر يروح
والقلب يكون
مكسور وحزين
ولا تبقى سراب
ولا عيش وخراب
وشكوك وظنون
وغضب وشجون
🌿⚘ف.إيه رأيك لو نبقى أصحاب ؟⚘🌿
ولا أعاند فيك
ولا أشاكل فيك
ولا تهرب يوم
ولا ترمي اللوم
وتقول مهموم
كفيانا عذاب
كفيانا جروح
ولا نعتب يوم
ولا نرضى بلوم
ده القلب خلاص
صاير مهلوك
للصبر حدود
والقرب حدود
والبعد حدود
قلمك ف.إيديك
إرسم خطين
إرسم جدارين
يفصل قلبين
يفصل بلدين
لا تعيش مكدور
ولا أكونلك حمل
فوق الكتفين
🌿⚘ف.إيه رأيك لو نبقى أصحاب ؟⚘🌿
🌷نبعد عن دنيا الأحباب 🌷
بين آهه وشوق
وحنين مشقوق
وغرام مكلوم
وفراق محتوم
تراضيني بيوم
وبقيه الشهر
ف.جمود وهموم
مرسانا خلاص
مبقاش نبراس
ولا ود إتصان
والعين حراس
أنا كنت ف.يوم
للحب...مداس
للود... مداس
للعشق... مداس
والعشره تهون
لأعز الناس
🌿⚘ف.إيه رأيك لو نبقى صحاب ؟⚘🌿
🌷نبعد عن دنيا الأحباب 🌷
☘🌷أمل مخيمر 🌷☘
مرحبا، أسمي د. شيماء الفره وهذه مدونتي أسعى دائما لأقدم لكم أفضل القصائد والاشعار والقصص القصيرة
ليست هناك تعليقات:
إرسال تعليق